Бұл туралы Орталық коммуникациялар қызметінде өткен брифингте ҚР Ауыл шаруашылығы министрі Ербол Қарашүкеев мәлім етті. Ол елде ет бағасы қымбаттайтынын мәлімдеді, деп хабарлайды «КазахЗерно.kz».
Ауыл шаруашылығы министрлігі басшысының айтуынша, республика өзін сиыр етімен 97%, жылқы етімен 97,5% және қой етімен 100% қамтамасыз етеді. Еттің елеусіз көлемі басқа елдерден әкелінеді.
Ербол Қарашүкеев жем мен шөптің қымбаттауына байланысты ет бағасының қымбаттауын болжады. Бағасы көтерілгенімен, ел ішінде тапшылық болмайды.
Бұған дейін ҚР АШМ басшысы БҰҰ Азық-түлік және ауыл шаруашылығы ұйымының (ФАО) болжамына сілтеме жасаған болатын. Әлемде барлық ауылшаруашылық өнімдерінің бағасының 30%-ға өсуі күтілуде. Қазақстанда да солай болады, өйткені жазда аптап ыстық пен қуаңшылық кейбір өңірлерде басым болды, соның салдарынан малшылар қыста малға сапалы жем-шөп ала алмады. Сондықтан жем тапшы болып, жоғары бағамен шығарылады.
Ауыл шаруашылығы министрінің кеңесшісі Төлеутай Рахымбеков қазақстандықтарға ет бағасының қымбаттауын ескертті. Ол қымбаттағанымен, кенеттен болмайды деп есептейді.
Жұмағылов Асылбек
