Астық экспортын азайтып алмас үшін, өнімнің сапасына назар аудару қажет

Қазақстанда өндірілетін астықтың жартысы экспортқа шығарылады. Болжам бойынша, 2018-2019 жылы экспортқа жіберілетін өнім шамамен 9,5 млн тонна болады. Экспортқа жіберілетін елдер мен көлемі , нарық конъюнктурасы, импорттаушы елдердің өнімділігімен басқа да факторларға байланысты болады.

Қазақстандағы астық экспорты үшін Орталық Азия аймағының алар орны ерекше. Себебі, өнімнің үлкен бөлігі сол жаққа жіберіледі.Ал, бидайдың үлкен бөлігі Өзбекстанға жіберіледі.Бұл жақта ұн өңдеу өнеркәсібі қарқынды дамып келеді. Ауғанстан дайын ұнды алса, астықтың жақсы көлемі Тәжікстан мен Қытайға экспортталады. Өздерінің өнімділігіне қарамастан,Қазақстандық астық пен ұн Ресейде де сұранысқа ие. Еліміздің астығын Италия да бағалап үлгерді. Бірақ, сарапшылардың сөзінше биылғы қолайлы ауа-райының нәтижесінде Азия аймақтарының аграрилері жақсы өнім алады, бұл Қазақстандық экспортқа кері әсерін тигізуі мүмкін. «Казах-Зерно» ақпараттық агенттігі талдаушысының айтауынша, биылғы жыл дәл осындай болады.